കേരളത്തിലെ കോട്ടയം ജില്ലയിലെ കാഞ്ഞിരപ്പള്ളിക്കടുത്ത് കൂവപ്പള്ളിയിൽ സ്ഥിതിചെയ്യുന്ന എഞ്ചിനീയറിംഗ് കോളേജാണ് അമൽ ജ്യോതി കോളേജ് ഓഫ് എഞ്ചിനീയറിങ് (AJCE). ഈ കോളേജ് കേരള ടെക്നിക്കൽ യൂണിവേഴ്സിറ്റിയിലേയ്ക്ക് അഫിലിയേറ്റ് ചെയ്തിരിക്കുന്നു. കോട്ടയം - ശബരിമല സംസ്ഥാന ഹൈവേയുടെയുടെ ഓരത്താണ് ഈ കോളേജ് സ്ഥിതി ചെയ്യുന്നത്. അന്താരാഷ്ട്രതലത്തിൽ പ്രശസ്തനായ പരിസ്ഥിതി പ്രവർത്തകനും സാമൂഹ്യ പ്രവർത്തകനുമായ ബിഷപ് മാർ മാത്യു അറയ്ക്കലിന്റെ നേതൃത്വത്തിൽ കാഞ്ഞിരപ്പള്ളി സീറോ മലബാർ കത്തോലിക്കാ രൂപതയുടെ ഉടമസ്ഥതയിലാണ് ഈ എഞ്ചിനീയറിംഗ് കോളജ് പ്രവർത്തിച്ചുവരുന്നത്.